Zbardhet skema si u trafikuan 7 mjetet e sekuestruara në Shqipëri. Mjetet me qira sapo hynin në Shqipëri nga Morina dhe Qafë Thana i deklaronin të vjedhura. Mjetet e sekuestruara do t’i kthehen kompanive, të cilat i kanë dhënë me qira e i denoncuan të vjedhura.
Këto mjete merreshin me qira në vendet e BE, kryesisht në Gjermani. Shtetas kosovar e maqedonas i merrnin me qira. Mjetet vinin nga Morina dhe Qafë-Thana. Çaktivizonin GPS dhe sapo kalonim kufirin duke hyrë në tokën shqiptare i deklaronim të vjedhura.
Këto mjete më pas kalonim më procesin e falsifikimit të shahisë ku numri 9 bëhej 8 dhe 0 bëhej 6 në të shumtën e rasteve ose ndryshohej një deri në 2 gërma. Me kontratë shitblerje mjetet shiteshin pasi ishin targuar për një çmim 30 deri në 40 % më pak se vlera reale.
Të proceduar penalisht nga policia kriminale dhe sektori trafiqeve edhe blerësit e mjeteve pasi rezulton se ishin ne dijeni se mjetet kishin probleme dhe s’mund të dilnin jashtë shtetit. Mjetet e sekuestruara do ti kthehen kompanive të cilat i kanë dhënë me qira dhe i kanë denoncuar të vjedhura.
Gjatë operacionit ‘Luxury’ policia arrestoi shtetasin Klaudio Begaj për të cilin ka hetuar në lidhje me modifikimet e shasisa. Operacioni vazhdon e sipas policisë kjo skemë rezulton se përdoret prej 5 vitesh dhe në Shqipëri dyshohet të jenë futur mbi 200 mjete luksoze. Disa muaj më parë është zhvilluar një operacion i ngjashëm. Aktualisht në gjykatën Penale Tiranë po zhvillohet masa e sigurisë për Klaudio Begaj 52 vjeç.
