Kryeministri Edi Rama në një konferencë për mediat ka komentuar takimin me liderët e Ballkanit Perëndimor, ku i pyetur për mbështetjen që pritet t’i japë BE këtyre vendeve ai tha se është ende herët.
Rama citoi se BE kërkon ta shohë rajonin si një të tërë, ndërsa për mungesën e liderit të Kosovës në këtë takim, ai tha se i kishte ftuar të gjithë dhe ishte në dëshirën e gjithsecilit për të marrë pjesë ose jo.
Ju bëtë me dije për planin e ri që keni diskutuar, mund të na thoni se cilat janë fushat ku do të kërkojë mbështetje Shqipëria? A jo vjen keq që në këtë takim nuk ishte vëllai yt i vogël, Albin Kurti?
Jemi shumë herët për të diskutuar se sa dhe si do të marrë një vend, por është e rëndësishme që të punojmë si një rajon të tërë. Edhe për fushat u diskutua, dhe mbi të gjitha ajo që është e rëndësishme, mbetet sesi ky plan do realizohet nga mbështetja e BE.
Për pyetjen e dytë nuk shoh asnjë interes, pasi të gjithë ishin të ftuar, kush dëshironte erdhi.
Ju si kryetar nuk keni përgjegjësi në skandalet që kanë mbuluar PS. A do të ndërpriten pagesat për inceneratorët?
Për të gjitha pyetjet do të gjeni përgjigje në faqen time në ‘Facebook’, e keni përgjigjen brenda.
