Ministrja e Arsimit dhe Sportit, Evis Kushi në paraqitjen e saj në Komisionin për Çështjet Ligjore, Administratën Publike dhe të Drejtat e Njeriut, informoi për dy drejtimet kryesore të trajtimit të veçantë për studentët që do të zgjedhin degën Mjekësi e Përgjithshme.
“Së pari punësim prioritar pas diplomimit dhe e dyta përfshirje prioritare në programet sociale të strehimit. E theksoj që të dyja janë pas diplomimit. Sepse ka patur disa diskutime nëse ky strehimi priroritar është gjatë kohës që janë studentë apo pas fillon detyrimi i tyre për të punuar.
Në rast se institucionet tona shëndetësore nuk i plotësojnë brenda një viti nevojat për punësim të këtyre kandidatëve që kanë nënshkruar marrëveshjen, menjëherë pas një viti konsiderohet që detyrimi i tyre është përmbushur dhe studentëve të diplomuar u kthehet diploma. Atëherë do të jenë një vit në pritje.
Gjithashtu projektligji parashikon se që edhe periudha e specializimeve afatgjata konsiderohet si periudhë punësimi. Siç ju e dini ka dy lloj kuotash për specializime, janë specializime që mbulohen nga Ministra e Shëndetësisë, pra ku specializantët nuk e paguajnë vetë, por përkundrazi punësohen, ndërsa është edhe kategoria tjetër kur kotat janë të pa mbuluara nga Ministria e Shëndetësisë, por specializantët e mbulojnë vetë.
Në rastin e parë, kur këto kuota janë të mbuluara, kandidatët nënshkruajnë një marrëveshje me Ministrinë e Shëndetësisë dhe janë të detyra të përmbushin efeketet që lidhen me këtë kontratë, një praktikë e cila tashmë është në fuqi. Prej vitesh specializantët e kuota të mbuluara nënshkruajnë marrëveshje me Ministrinë e Shëndetësisë dhe ata kanë disa detyrime që duhet të përmbushim.
Pra nuk do të jenë në fuqi këto ligje, por ata që janë në fuqi detyrimet e kontratës që kanë lidhur me Ministrinë e Shëndetësisë.
Ndërsa nëse kandidati ka një kuotë të pambuluar, atëherë periudha e specializimit do të quhet periudhë studimi dhe menjëherë pas përfundon studimin ka përfunduar edhe detyrimin që lind nga ky ligj.
Efektet janë për ata studentët që duan të largohen pas studimit.
Projektligji prezantohet me procedurë të përshpejtuar edhe për shkak të asaj që përmenda më sipër. Për shkak se në 10 ditëshin e dytë të gushtit, maturantët duhet t’i nënshtrohen provimit të digjitalizuar dhe ne duhet ta nënshkruajmë këtë ligj përpara, që ata që duan të ndjekin degën mjekësi e përgjithshme para provimit, kurse përndryshe ata mund të zgjedhin programe të tjera” – u shpreh znj. Kushi.
