Bashkia e Himarës, që pas zgjedhieve të 14 majit është kthyer në një ‘mollë sherri’ mes mazhorancës, opozitës dhe së fundmi përfshirë edhe ndërkombëtarët.
Jorgo Goro vijon të jetë kryetar në detyrë, ndërsa kundërshtari i tij në garën e fundit zgjedhore gjendet pas hekurave edhe pse fitues i garës.
Në një intervistë me gazetarin Ermal Qori në emisionin N’kohë në Report Tv, Jorgo Goro thyen heshtjen, teksa e quan situatën në të cilën është përfshirë anormale.
“Situata për atë çka ka ndodhur dhe mënyrën si ka ndodhur është anormale. Por kjo nuk do të thotë që unë nuk duhet të vazhdoj detyrën për interes të qytetarëve. Drejtësia ka punën e vetë, qytetarët duan shërbime, mbaroi ai proçes”, tha ai.
Por a është kërcënuar ndonjëherë Jorgo Goro, teksa në këtë proçes është përfshirë, edhe qeveria greke?
“Kur ndërhyn drejtësia ne duhet të heshtim. Sa i përket kërcënimeve, brenda politikës janë të gjitha, unë mendoj që ato janë në kuadrin e asaj që synohet të arrihet në një moment të caktuar.”- përfundoi Goro.
Pyetjes së gazetarit Ermal Qori në raport me kritikat e bëra publikisht nga kryeministri Edi Rama për mirëmbajtjen e territorit kryesisht gjatë sezonit turistik, ai u përgjigj prerë.
“Kritika qëndronte në atë periudhë duke patur parasysh shumë komponent që ndikuan për keq. Për momentin nuk ishim në nivelin që kërkohej jo se bashkia ishte keq”, përfundoi ai.
Sipas tij, Himara është sot një destinacion që preferohet shumë nga turistët, ndërsa zbuloi se pushimet verore kryeministri Rama zgjedh t’i kaloi çdo vitë në Himarë.
