.
TIRANË- Këshilli i Ministrave ka miratuar sot shtesën e huasë më Bankën Ndërkombëtare për Rindërtim dhe Zhvillim në kuadër të projektit për ‘Përmirësimin e Infrastrukturës në Zonat Turistike.’ Zëvendësministrja e Financave, Vasilika Vjero, bëri me dije se me këtë shtesë do të ndërhyhet në zonat turistike të Ksamilit dhe Orikumit. Përmes kësaj marrëveshjeje, pritet të ndërhyhet për komponentët e rikualifikimit urban, për përmirësimin e infrastrukturës siteve turistike.
Sipas Vjeros, kjo ndërhyrje do të ndikojë drejtpërdrejtë në turizëm, pasi me përmirësimin e këtyre zonave turistike do bëhet e mundur edhe thithja e sa më shumë turistëve. Qeveria ka vendosur që të shtojë në këtë marrëveshje Ksamilin dhe Orikumin me argumentin se këto janë dy zona të rëndësishme kapacitete të larta sa i përket turizmit.
“Në mbledhjen e sotme të qeverisë, ministrja e Financave prezantoi disa akte, desha prezantoj një prej tyre ka të bëjë me miratimin e marrëveshjes ndryshuese të huasë midis Shqipërisë dhe Bankës për Rindërtimi dhe Zhvillim, për financimin e projektit për zhvillimin e integruar urban dhe të turizmit. Është një marrëveshje e miratuar në vitin 2017 dhe besoj se është bërë publike dhe për ndërhyrjet në infrastrukturë dhe që i ka dhënë një shtysë të madhe turizmit.
