Jonida u bë gati, por një surprizë e minutës së fundit e la pa shkuar tek dasma e Arminës

Të dielën Armina kurorëzoi në martesë dashurinë e saj disa vjeçare me Shkëlzenin, me një dasmë përrallore ku ishin të ftuar dhe shumë personazhe të njohur të ekranit. Por mes tyre, ra në sy mungesa e mikeshës së saj, dikur edhe bashkëpunëtores së saj në biznes, Jonida Maliqit. Të gjithë kanë pyetur pse Jonida mungon në dasmë, por mes saj dhe Arminës nuk ka asnjë ftohje e as ndonjë zënkë që mund të jetë përfolur. Përkundrazi, ato vazhdojnë të ruajnë një shoqëri të mirë me njëra-tjetrën. Ka qenë një surprizë e fundit që e ka lënë Jonidën pa shkuar në dasmë, edhe pse ishte kujdesur për çdo detaj, nga veshja tek grimi. Bëhet fjalë për një arsye tërësisht personale të cilën Jonida ka vendosur të mos e komentojë. Mjafton që raportet midis dy vajzave janë shumë mirë dhe nuk ka më vend për aludime.