PINEA – “Rreth orës 22:00 të mbrëmjes së pardjeshme nga dritaret pamë të shfaqeshin dritat vezulluese të karabinierëve, më pas befas klithma zemërthyese, të dëshpëruara, të pafundme. Ata ishin të afërmit që kishin marrë vesh për vrasjen e Mynevere dhe Floninos. Britmat që na thyen zemrat, na dhanë goditje”. Kjo është dëshmia e e Monikës, një nga fqinjët e Mynevere Karabollaj, 37 vjeç dhe Flonino Merkuri, 23, çifti shqiptar i vrarë me thikë mbrëmjen e së dielës së 20 nëntorit nga ish-bashkëshorti i saj, Viron Karabollaj, 40 vjeç.
Ai kreu vetëvrasje disa orë më vonë në kasollen e kompanisë ku punonte në Chirignago. Vrasja e dyfishtë ndodhi në shtëpinë në via Leopardi, në Spinea. Shtëpia e vogël ku jetonte nëna Mynevere me dy vajzat e saj 15 dhe 13 vjeç dhe partnerin e saj Flonino. Deri para disa vitesh në shtëpinë e verdhë jetonte edhe ish-bashkëshorti i saj Viron. Pastaj ndarja e stuhishme dhe epilogu tragjik filloi në jetën e tyre.
